Якты төсләрдә эшләнгән, югары категорияле, иркен, зиннәтле апартаментлар үзенең аш бүлмәсе, йокы бүлмәсе, киеренкелектән арындыра торган ванналы юыну бүлмәсеннән тора. Бүлмә тәрәзәләре җәяүлеләр өчен үзәк Бауман урамына карый. Кунак бүлмәсендә ял итү өчен җыелмалы диван, функциональ эш өстәле, чәй кирәк-яраклары һәм каһвә машинасы куелган эш зонасы, кирәкле савыт-саба белән аш зонасы урнашкан. Йокы зонасына ортопедик матрас һәм аллергия булдырмый торган мендәрле зур карават (180х200 см) һәм бизәнү өстәле куелган. Тәкъдим ителгән косметика процедуралары – ELEMIS маркасыннан. Бүлмә IP телевидение, чыбыксыз гына интернетка тоташу мөмкинлеге, телефон элемтәсе, сейф, кече бар, энергияне сакчыл куллана торган электр җиһазлары һәм заманча җилләтү системасы белән җиһазландырылган. Номерның уртача зурлыгы – 58 квадрат метр. Күңелгә ятышлы бонус буларак, бер машина кую урыны, тренажерлар залыннан файдалану, мендәрләр сайлап алу мөмкинлекләре кунакханәдә яшәү бәясендә исәпкә алынган.
Балалар
- 12 яшькә кадәрге балаларга әти-әниләре белән номерда бергә яшәү – түләүсез.
- 3 яшькә кадәрге (3 яшьлек) балалар бушлай туклана, ә 4 яшьтән 12 яшькә кадәрге (12 яшьлек) балалар өчен – 50% ташлама каралган.
Килеп урнашу һәм китү
- Исәп-хисап вакыты: килеп урнашу – 15:00 башлап; чыгып китү – 12:00 сәгатькәчә.
- «Иртә килеп урнашу» * — кунакны 00:00 сәгатьтән 15:00 кадәр урнаштырганда, яшәү өчен түләү билгеләнгән тарифның ярты тәүлеге өчен алына.
- «Соң чыгып китү» * — 18:00 кадәр – сәгатьләп түләнә; 18:00 дән 24:00 кадәр – тәүлек бәясенең 50 проценты күләмендә түләнә; 24:00 сәгатьтән соң – тулы тәүлек өчен түләү алына.
*) буш номерлар булганда
Тәмәке тарту тыела
- Клиентларның сәламәтлеге өстен булуга нигезләнеп, тәмәке тарту кунакханә комплексының бөтен территориясендә тыела.